Breaking News
नवी मुंबई ः राज्यातील विधान परिषदेच्या तीन शिक्षक व दोन पदवीधर मतदार संघात झालेल्या निवडणूकीत शिक्षित मतदारांनी शिंदे-फडणवीस सरकारला नाकारल्याचे स्पष्ट झाले आहे. फडणवीसांच्या राजकीय महत्वाकांक्षेने भाजपची प्रतिमा जनमानसात मलिन झाल्याने त्याचा फटका भाजपला शिक्षित मतदार संघाच्या निवडणुकीत बसल्याचे बोलले जात आहे.
राज्यात शिंदे-फडणवीस सरकार स्थापन झाल्यानंतर सूजाण मतदारांत त्यांची काय प्रतिमा आहे हे आजमावण्याची संधी विधानपरिषदेच्या तीन शिक्षक व दोन पदवीधर मतदारसंघातील निवडणुकीत होती. या निवडणुकीत महाविकास आघाडीला तीन जागा तर भाजपला फक्त एक जागा मिळाल्याने सरकारला शिक्षित मतदारांनी सपशेल नाकारल्याचा संदेश राज्यात गेला आहे.
नागपुरमध्ये फडणवीस व बावनकुळेंच्या कार्यक्षेत्रात काँग्रेस समर्पित सुधाकर आडबाले यांनी बाजी मारल्याने फडणवीसांना मोठा धक्का असल्याचे मानले जात आहे. सत्यजित तांबे जरी अपक्ष म्हणून निवडून आले असले तरी ते काँग्रेस समर्थक आमदार असल्याने महाविकास आघाडीची संख्या 4 वर गेल्याने फडणवीसांच्या कारभाराला महाराष्ट्राची जनता कंटाळल्याचे चित्र या निवडणुकीच्या माध्यमातून समोर आले आहे. पुणे जिल्ह्यात संभाव्य काळात दोन विधानसभेच्या पोटनिवडणुका होणार असून त्यात फडणवीसांचा कस लागणार आहे. हे क्षेत्र अजित पवार यांचे होम ग्राऊंड असल्याने येथेही भाजपला पिछाडी मिळाल्यास 2024 च्या लोकसभा निवडणुकीला नव्याने गणिते भाजपला मांडावी लागतील असे बोलले जात आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai