Breaking News
मुसळधार पावसाने इर्शाळवाडीवर दुःखाचा डोंगर
खालापुर ः राज्यभरात पावसाने हाहाःकार माजवला आहे. कुठे नद्यांनी पातळी ओळांडली तर कुठे पुरपरिस्थिती ओढावली. यातच रायगड जिल्ह्यातील इर्शाळगडाच्या पायथ्याशी असलेल्या इर्शाळवाडीवर बुधवारी रात्री दुखाचा डोंगर कोसळला. इर्शाळवाडीवर दरड कोसळून अनेकांचा मृत्यू झाला आहे, तर आतापर्यंत अनेकांना ढिगाऱ्याखालून काढण्यात यश आले आहे. तर शंभरहून अधिक जण बेपत्ता आहेत.
इर्शाळवाडीवर कोसळलेल्या दरडीखाली अंदाजे 40 घरं दबल्याचा अंदाज आहे. तर अंदाजे 250 ची वस्ती आहे. या दुर्घटनेत नवी मुंबईतील अग्निशमन दलाच्या एका जवानाचा आदिवासी पाड्यापर्यंत पोहोचताना दम लागल्याने मृत्यू झाला आहे. तसेच मदतकार्यात सहभागी झालेल्या ट्रेकरचाही मृत्यू झाला आहे. एनडीआरएफची टीमही दुर्घटनास्थळी दाखल झाली. पावसामुळे मदतकार्यात अडथळे येत आहेत. 20 जणांचा मृत्यू झाला असून 100 हून अधिक जणांचे जीव वाचले असले तरी अनेकजण बेपत्ता आहेत.
बचावकार्य करताना नवी मुंबई अग्निशमन अधिकाऱ्याचा मृत्यू
नवी मुंबई : रात्री अतिवृष्टीमुळे मोरबे धरणाजवळ खालापूर येथील इर्शाळगडाच्या पायथ्याशी असलेल्या इर्शाळवाडीत दरड कोसळली. या ठिकाणी रात्री 2.30 वाजता बचावकार्य करीत असताना नवी मुंबई महानगरपालिकेचे बेलापूर येथील अग्निशमन विभागातील सहाय्यक केंद्र अधिकारी शिवराम ढुमणे यांचा दुर्दैवी मृत्यू झाला आहे. आपले कर्तव्य बजावत असताना त्यांचा मृत्यू झाल्याने नवी मुंबईत सर्वत्र हळहळ व्यक्त होत आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai