Breaking News
17,547 लाख रुपयांची थकबाकी ; 6,602 ग्राहकांचा वीजपुरवठा खंडित
नवी मुंबई ः भांडूप परिमंडलातील लघुदाब औद्योगिक, वाणिज्यिक, घरघुती तसेच सार्वजनिक विभागाकडे वीज बिलाची 17,547 लाख रुपयांची थकबाकी आहे. कोरोना काळातील थकबाकीमुळे हा आकडा अजून वाढला असून, वसुलीची धडक मोहीम परिमंडल अंतर्गत सुरु करण्यात आली आहे. त्यानुसार, 1 फेब्रुवारी ते 8 फेब्रुवारी 2021 या कालावधीत अनेक ग्राहकांचा वीजपुरवठा कायमस्वरूपी खंडित करण्यात आला आहे. 6 फेब्रुवारी व 7 फेब्रुवारी 2021 रोजी तब्बल 6,602 ग्राहकांचा वीजपुरवठा खंडित करण्यात आला आहे.
महावितरणच्या भांडूप परिमंडलातील ठाणे मंडळात 34,806 लघुदाब घरघुती ग्राहकांनी वीजबिलापोटी रु.3350.15 लाख थकविले आहेत, 6,914 लघुदाब वाणिज्यिक ग्राहकांनी रु. 1205.74 लाख थकविले आहेत, 493 लघुदाब औद्योगिक ग्राहकांनी रु.153.86 लाख असे एकूण 42,213 ग्राहकांनी रु. 4709.75 लाख थकविले आहेत. तसेच 142 सार्वजनिक संस्थांनी रु 46.77 लाख थकविले आहेत. याच प्रमाणे, वाशी मंडळात 46,705 लघुदाब घरघुती ग्राहकांनी वीजबिलापोटी रु.5234.40 लाख थकविले आहेत, 11,642 लघुदाब वाणिज्यिक ग्राहकांनी रु. 2291.98 लाख थकविले आहेत, 452 लघुदाब औद्योगिक ग्राहकांनी रु.290.17 लाख असे एकूण 58,799 ग्राहकांनी रु. 7,815 लाख थकविले आहेत. तसेच 446 सार्वजनिक संस्थांनी रु 98.78 लाख थकविले आहेत. पेण मंडळात 53,960 लघुदाब घरघुती ग्राहकांनी वीजबिलापोटी रु.3623.93 लाख थकविले आहेत, 6269 लघुदाब वाणिज्यिक ग्राहकांनी रु. 986.41 लाख थकविले आहेत, 401 लघुदाब औद्योगिक ग्राहकांनी रु.121.02 लाख असे एकूण 60,662 ग्राहकांनी रु. 4,731 लाख थकविले आहेत. तसेच 1685 सार्वजनिक संस्थांनी रु 144.56 लाख थकविले आहेत. याबाबत ग्राहकांना अनेक वेळा पाठपुरावा केला असून शेवटचा पर्याय म्हणून 1 फेब्रुवारी 2021 पासून अशा ग्राहकांचा वीजपुरवठा खंडित करण्यात येत आहे ज्यांनी 1 एप्रिल 2020 पासून एक ही वीज देयक भरले नाहीत. त्यानुसार, गेल्या 8 दिवसात कारवाई करून अशा ग्राहकांचा वीजपुरवठा खंडित करण्यात येत आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai