Breaking News
उरण : खारकोपर ते उरण दरम्यानच्या लोकल मार्गाची शनिवारी सकाळी रेल्वेचे कार्यकारी अधिकारी यांनी तपासणी वाहनाद्वारे पाहणी केली. त्यामुळे 12 जानेवारीला पंतप्रधानांच्या हस्ते होण्याची चिन्हे निर्माण झाली आहे.
न्हावा-शिवडी अटल सेतू प्रकल्पाच्या उद्घाटनासाठी पंतप्रधान नरेंद्र मोदी 12 जानेवारी रोजी नवी मुंबईत येणार आहेत. त्यादृष्टीने संबंधित विभागाच्या हालचाली सुरू झाल्या आहेत. याच कार्यक्रमादरम्यान उरण-नेरूळ रेल्वेच्या दुसऱ्या टप्प्याचे म्हणजेच खारकोपर ते उरण दरम्यानच्या मार्गाचे उद्घाटन होण्याची शक्यता आहे. या पार्श्वभूमीवर रेल्वेच्या अधिकाऱ्यांनी या मार्गाची शनिवारी पाहणी केली. नेरूळ-उरण मार्गावरील नेरूळ ते खारकोपरदरम्यानचा पहिला टप्पा यापूर्वीच प्रवाशांसाठी खुला झाला आहे. परंतु, खारकोपर ते उरणदरम्यानच्या दुसऱ्या टप्प्याचे काम विविध कारणांमुळे रखडले होते. सध्या ते पूर्ण झाले आहे. या मार्गावर रेल्वेने गेल्या मार्च महिन्यात चाचणीही घेतली होती. आता 12 जानेवारी रोजी पंतप्रधानांच्या हस्ते या प्रकल्पाचे लोकार्पण होईल, असे आडाखे बांधले जात आहेत.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai