पर्यावरणपूरक गणेशोत्सव साजरा करा

पर्यावरणपूरक गणेशोत्सव साजरा करा

by Aajchi Navi Mumbai
Jul 25, 2025
33

पालिका आयुक्तांचे श्री गणेशोत्सव नियोजन बैठकीप्रसंगी आवाहन

नवी मुंबई ः यंदा ऑगस्ट महिन्याच्या अखेरीस श्रीगणेशोत्सव साजरा होणार आहे. त्यासाठी सार्वजनिक मंडळांकडून लगबग आतापासूनच सुरु झाली आहे. त्या अनुषंगाने या उत्सवांचे सुव्यवस्थित आयोजन करण्याच्या दृष्टीने पालिका मुख्यालयात शुक्रवारी बैठक पार पडली. यामध्ये आयुक्त डॉ.कैलास शिंदे यांनी प्लास्टिक व थर्माकोलमुक्त पर्यावरणपूरक, पारंपारिक सजावट करण्याचे तसेच प्रतिष्ठापना करावयाच्या सार्वजनिक तसेच घरगुती श्रीगणेशमूतही पर्यावरणपूरक असाव्यात असे उपस्थितीतांना आवाहन केले.

सन 2025 या वर्षात श्रीगणेशोत्सव दि. 27 ऑगस्ट 2025 ते 06 सप्टेंबर 2025 आणि नवरात्रौत्सव हा दि. 22 सप्टेंबर 2025 ते दिनांक 02 ऑक्टोबर 2025 या कालावधीत संपन्न होणार आहे. त्या अनुषंगाने या उत्सवांचे सुव्यवस्थित आयोजन करण्याच्या दृष्टीने नवी मुंबई महापालिका, पोलीस विभाग, वाहतुक पोलीस विभाग, महाराष्ट्र प्रदूषण नियंत्रण मंडळ, महाराष्ट्र राज्य विद्युत वितरण कंपनी व नवी मुंबईतील सार्वजनिक गणेशोत्सव , नवरात्रौत्सव मंडळाचे पदाधिकारी यांची विशेष बैठक महापालिका आयुक्त डॉ.कैलास शिंदे यांच्या अध्यक्षतेखाली महापालिका मुख्यालयातील ज्ञानकेंद्रात संपन्न झाली. या बैठकीप्रसंगी उपस्थित 63 गणेशोत्सव/ नवरात्रौत्सव मंडळाचे पदाधिकारी, नवी मुंबई महानगरपालिकेचे संबंधित अधिकारी तसेच पोलीस विभाग, अग्निशमन विभाग, महाराष्ट्र राज्य प्रदूषण मंडळ, महाराष्ट्र राज्य विद्युत वितरण कंपनीचे प्रतिनिधी यांनी सूचना केल्या. त्या सर्व सूचना लक्षात घेऊन त्यावर सविस्तर चर्चा करण्यात आली. यावेळी आयुक्त डॉ.कैलास शिंदे यांनी प्लास्टिक व थर्माकोलमुक्त पर्यावरणपूरक, पारंपारिक सजावट करण्याचे तसेच प्रतिष्ठापना करावयाच्या सार्वजनिक तसेच घरगुती श्रीगणेशमूतही पर्यावरणपूरक असाव्यात असे उपस्थितीतांना आवाहन केले. श्रीगणेशोत्सव व नवरात्रौत्सव दरम्यान ध्वनीप्रदूषण होणार नाही व त्याचा नागरिकांना तसेच शाळेतील मुलांना त्रास होणार नाही याची दक्षता घेण्यात यावी असेही सूचित करण्यात आले.

गतवष ज्या मंडळांनी परवाना घेतला असेल तो 05 वर्षांकरिता असणार आहे. त्यामुळे यावष सदर मंडळांनी अग्निशमन, पोलीस व वाहतुक पोलीस विभागाकडून ना हरकत दाखला प्राप्त करुन घेणे बंधनकारक असल्याचे सूचित करण्यात आले. नवी मुंबई महापालिकेचे ऑनलाईन पोर्टल वेबसाईटवर अर्ज करुन ते प्राप्त करुन घेता येणार आहेत. त्यासोबत नवीन गणेश मंडळांनीसुध्दा याच पोर्टलवरुन ऑनलाईन पध्दतीने परवानगी घेणे बंधनकारक असल्याचे नमूद करण्यात आले. यावष पर्यावरणपूरक गणेशोत्सव साजरा करण्याबाबत प्रदूषण नियंत्रण मंडळाने मार्गदर्शन सूचना निर्गमित करण्याबाबत सूचित करण्यात आले. प्रादेशिक अधिकारी, महाराष्ट्र राज्य प्रदूषण नियंत्रण मंडळ यांनी उच्च न्यायालयाच्या आदेशान्वये 05 फूटांपेक्षा कमी उंचीच्या पीओपी गणेशमूर्तींचे विसर्जन हे कृत्रिम तलावामध्येच करण्याबाबत आदेशित केले असल्याची बाब उपस्थितांच्या निदर्शनास आणून दिली. तसेच, पर्यावरणपूरक गणेशोत्सव साजरा करणेबाबत महापालिकेसमवेत जनजागृती करण्यात येणार असल्याचे नमूद केले.

यावेळी विद्युत वितरण कंपनीच्या प्रतिनिधींनी नमूद केले की, सार्वजनिक गणेश मंडळांनी अनधिकृतपणे विजेच्या खांबांवरून वीजजोडणी न करता, रितसर अर्ज करून तात्पुरती विद्युत जोडणी करुन घ्यावी. वाहतुक पोलीस उपआयुक्त यांनीही श्रीगणेश मंडळांचे मंडप व कमानी ह्या रस्त्यावर येणार नाहीत व त्यामुळे वाहनांना अडथळा होणार नाही व वाहतुक कोंडी होणार नाही तसेच, त्या विनापरवानगी उभारल्या जाणार नाहीत याची दक्षता घेण्याच्या सूचना मंडळांना केल्या. अतिरिक्त आयुक्त डॉ. राहुल गेठे यांनी गणेश मंडळांनी आरास करतेवेळी समाजामध्ये तेढ निर्माण होणार नाही अशा पध्दतीचे देखावे करावेत. बॅनर्स/जाहिराती ह्या मर्यादित स्वरुपाच्या कराव्यात जेणेकरून शहराचे विद्रुपीकरण होणार नाही. तसेच, श्रीगणेश मंडळांनी व नागरिकांनी विसर्जनानंतर पूजेचे साहित्य हे महापालिकेमार्फत ठेवण्यात आलेल्या निर्माल्य कलशांमध्येच टाकण्याचे आवाहन केले.

या बैठकीस त्याचप्रमाणे महाराष्ट्र प्रदूषण नियंत्रण मंडळाचे प्रादेशिक अधिकारी श्री. पडवळ, पोलीस उपआयुक्त वाहतुक श्री.तिरुपती काकडे, सहाय्यक पोलीस आयुक्त श्री.मयुर भुजबळ आणि सर्व पोलीस ठाण्यांचे वरिष्ठ पोलीस निरीक्षक व महावितरण कंपनीचे प्रतिनिधी आणि नवी मुंबई महानगरपालिका क्षेत्रातील 63 श्री गणेशोत्सव मंडळांचे अध्यक्ष,सचिव व इतर पदाधिकारी उपस्थित होते.