Breaking News
शिंदे गटात पक्षप्रवेश
मुंबई ः विधान परिषदेच्या उपसभापती आणि ठाकरे गटाच्या महिला नेत्या नीलम गोऱ्हे यांनी शुक्रवारी शिंदे गटात प्रवेश ठाकरे गटाला जय महाराष्ट्र केला आहे. हा ठाकरे गटाला मोठा धक्का मानला जात आहे. गेल्या काही दिवसांपासून नीलम गोऱ्हे शिंदे गटात प्रवेश करणार असल्याच्या चर्चा रंगल्या होत्या. त्यावर अखेर पडदा पडला असून नीलम गोऱ्हेंनी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या उपस्थितीत शिंदे गटात रितसर प्रवेश केला.
मुख्यमंत्री एकनाथ शिंदेयांच्या बंडानंतर ठाकरे गटातून गळती सुरुच आहे. काही दिवसांपूर्वीच उपनेते शिशिर शिंदे आणि विधानपरिषद आमदार मनिषा कायंदे यांनी देखील ठाकरे गटाला ‘जय महाराष्ट्र' केला होता. आता विधान परिषदेच्या उपसभापती डॉ. निलम गोऱ्हे यांनीही शिंदे गटात प्रवेश केला आहे. नागपूर अधिवेशनात उद्धव ठाकरे यांच्याकडे काही आमदारांनी तक्रार केल्यानंतर गोऱ्हेंचं नाराजीनाट्य सुरु झाल्याचे म्हटलं जाते. मुख्यमंत्री एकनाथ शिंदे यांच्या नृेत्तात शिवसेना योग्य मार्गावर चालली आहे. महिला विकास आणि देशविकासाच्या प्रश्नावर एकनाथ शिंदे आणि उपमुख्यमंत्री देवेंद्र फडणवीस यांच्याबरोबर काम करण्याचा निर्णय आपण घेतल्याचं निलम गोऱ्हे यांनी यावेळी सांगितलं. 1992 नंतर एनडीए आणि यूपीए अशा आघाड्या झाल्या. 1998 साली मी शिवसेनेत प्रवेश केला. मला शिवसेनेत फार चांगलं काम करता आलं. सध्या निवडणूक आयोग व सर्वोच्च न्यायालयाने एकनाथ शिंदे यांच्या नेतृत्वाखालील पक्षच अधिकृत शिवसेना असल्याचा स्पष्ट निकाल दिला आहे. केंद्र सरकारने अनेक सकारात्मक पावलं उचलली आहेत. नरेंद्र मोदी व अमित शाह यांची अनेक मुद्द्यांवर चांगली इच्छाशक्ती दिसत आहे. बाळासाहेब ठाकरेंच्या भूमिकांचा सन्मान करून केंद्रातील व राज्यातील सरकार काम करत आहे”, अशा शब्दांत नीलम गोऱ्हेंनी केंद्र सरकार व राज्य सरकारचं कौतुक केले. तसेच यावेळी सटर फटर लोकांमुळे पक्षात नाराज होण्याचं कारण नाही असं म्हणत नीलम गोऱ्हेंनी सुषमा अंधारेंचं नाव न घेता टोला लगावला.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai