Breaking News
पनवेल : पनवेल शहरातील एक स्पा सेंटरमध्ये दहा लाख रुपयांची मागणी करून सदर पैसे न दिल्याने वारंवार पोलीस कंट्रोलला स्पा बद्दल खोटी माहिती देऊन तक्रारदाराकडून पैशाची मागणी करून त्यांच्याकडून वेगवेगळ्या प्रकारे 26 हजार घेतल्या प्रकरणी 4 बोगस पत्रकारांविरोधात पनवेल शहर पोलीस ठाण्यात खंडणीचा गुन्हा दाखल केला आहे.
संबंधित पत्रकारांच्या चौकडीने अनेक दिवसांपासून पोलीसांची डोकेदुखी वाढविली होती. पनवेल शहरासोबत इतर पोलीस ठाण्यातही या पत्रकारांनी धुमाकुळ घातला होता. हफ्ते मागणाऱ्या पत्रकारांविरोधात कठोर कारवाई न झाल्याने भुरट्या पत्रकारांचा पनवेलमध्ये सूळसूळाट झाल्याची चर्चा आहे. पनवेल शहर पोलीसांनी दोन दिवसांपूर्वी दाखल केलेल्या तक्रारीमध्ये स्पा चालकाला ऑगस्ट महिन्यापासून पत्रकारांची चौकडी त्रास देत होती. स्पा मध्ये गैरकृत्य होत असल्याची खोटी तक्रार पत्रकारांची ही चौकडी नवी मुंबईच्या पोलीस नियंत्रण कक्षाला करत होती. तक्रारीनंतर वेळोवेळी पोलीस येऊन संबंधित स्पाची तपासणी केल्यावर काही आढळत नसल्याने संबंधित स्पा चालकाला व्यवसाय ठप्प झाला होता. अखेर वैतागलेल्या स्पा चालकाने पत्रकारांच्या चौकडीसमोर हात टेकले. तक्रारदाराकडून वेगवेगळ्या मोबाईल नंबरवर फोन पे व जी पे करून 25 हजार रुपये घेतले. पत्रकारांच्या या चौकडीने एका वेळेच्या सेटेलमेन्टसाठी 10 लाख रुपयांची मागणी केल्यामुळे संबंधित स्पा चालकाने पोलीसांकडे धाव घेतली. त्यानुसार या चौघांचा शोध पनवेल शहर पोलीस करीत आहेत. पनवेल, नवी मुंबई परिसरात बोगस पत्रकारांचा सुळसुळाट वाढला आहे. युट्युबवर चॅनेल सुरु करून व्यावसायिक, दुकानदारांकडूना भीती दाखवून खंडणी वसुल करण्याचे काम काही तथाकथित पत्रकार करीत आहेत.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai