Breaking News
नवी मुंबई ः सर्वांचे लक्ष लागून राहिलेल्या विधानसभा निवडणुकीचे बिगुल अखेर वाजले आहे. महाराष्ट्रात 20 नोव्हेंबर रोजी मतदान होणार असून 23 नोव्हेंबर रोजी मतमोजणी होईल असे निवडणूक आयोगाने मंगळवारी घेतलेल्या पत्रकार परिषदेत जाहीर केले. म्हणजेच 23 नोव्हेंबर रोजी राज्याच्या विधानसभा निवडणुकीचा निकाल लागेल.
महाराष्ट्र विधानसभेची मुदत 26 नोव्हेंबर रोजी संपत असल्याने त्यापुर्वी निवडणुका घेणे बंधनकारक आहे. त्यामुळे कधी निवडणुकीची घोषणा होते याकडे राज्यभरातील लोकप्रतिनिधींसह मतदारा राजाचे लक्ष लागले होते. अखेर मंगळवारी निवडणूक आयोगाने पत्रकार परिषद घेऊन निवडणुकीची कार्यप्रणाली जाहीर केली आहे. त्यानुसार 22 ऑक्टोबररोजी अधिसूचना काढल्यानंतर उमेदवारांना 29 ऑक्टोबरपर्यंत उमेदवारी अर्ज दाखल करता येणार आहे. तर अर्जांची छाननी 30 ऑक्टोबरपर्यंत होणार आहे. उमेदवारांना 4 नोव्हेंबरपर्यंत उमेदवारी अर्ज मागे घेता येणार आहेत. त्यानंतर 20 नोव्हेंबर रोजी मतदान होणार आहे. तर 23 नोव्हेंबर रोजी राज्यात मतमोजणी होईल.
महाराष्ट्रात एकूण 36 जिल्हे असून 288 जागांवर मतदान होणार आहे. यातील 234 जागा या सर्वधाराण उमेदवारांसाठी तर एसटी प्रवर्गासाठी 25 तर 29 जागा या अनुसूचित जाती प्रवर्गासाठी राखीव आहेत. महाराष्ट्रात एकूण 9.63 कोटी मतदार असून यात महिला 4.64 कोटी, पुरुष 4.97 कोटी आहेत. महाराष्ट्रात एक लाख 186 मतदान केंद्र असतील.
वैशिष्टये
महाराष्ट्र विधानसभेचं संपूर्ण वेळापत्रक-
288 जागांसाठी किती मतदार असतील?
रिपोर्टर
The Reporter specializes in covering a news beat, produces daily news for Aajchi Navi Mumbai News
मोना माळी-सणस