‘मिशन कवच कुंडल’ मोहिमेला उत्तम प्रतिसाद

‘मिशन कवच कुंडल’ मोहिमेला उत्तम प्रतिसाद

by Aajchi Navi Mumbai
Oct 18, 2021
557

4 दिवसात 7234 नागरिकांचे घराजवळ लसीकरण

नवी मुंबई ः 11 ते 14 एप्रिल या कालावधीत राबविण्यात आलेल्या ‘मिशन कवच कुंडल’ मोहिमेमध्येही नवी मुंबई महापालिकेने अत्यंत उत्तम कामगिरी केलेली आहे. या मोहीमेअंतर्गत महापालिका ‘लसीकरण आपल्या दारी’ ही अभिनव संकल्पना राबविण्यात आली. यामध्ये 4 दिवसात 7234 नागरिकांचे घराजवळ कोव्हिड लसीकरण करण्यात आले. मिळालेल्या उत्तम प्रतिसादामुळे ही मोहिम नवी मुंबईत यशस्वीपणे पार पडली.

कोव्हीड 19 लसीकरणामध्ये नवी मुंबई महानगरपालिका सुरूवातीपासूनच आघाडीवर असून शासनामार्फत देण्यात आलेले पहिल्या डोसचे उद्दिष्ट पूर्ण करण्याच्या उंबरठ्यावर आहे. आत्तापर्यंत 18 वर्षांवरील 99.63% नागरिकांनी कोव्हीड लसीचा पहिला डोस घेतलेला असून 51.30 % नागरिकांनी लसीचे दोन्ही डोस घेतलेले आहेत. इतक्या मोठ्या प्रमाणावर लसीकरण करणारी नवी मुंबई ही एमएमआर क्षेत्रातील अग्रणी महापालिका आहे. लसीकरण आपल्या दारी अंतर्गत 4 रुग्णवाहिका तसेच रूग्णवाहिकेमध्ये रूपांतरित केलेल्या 8 बसेस स्वरूपातील रूग्णवाहिका अशा 12 रूग्णवाहिकांव्दारे दर दिवशी 48 वेगवेगळ्या ठिकाणी जाऊन लसीकरण करण्यात आले. यामध्ये प्रत्येक रूग्णवाहिका दर दिवशी 9 ते 11, 11 ते 1, 2 ते 4 आणि 4 ते 6 अशा वेळांमध्ये निश्चित केलेल्या ठिकाणी उभी करून नियोजनबध्द रितीने कोव्हीड लसीकरण करण्यात आले. या मोहिमेअंतर्गत लसीकरण करताना महानगरपालिकेच्या विद्यमान 101 लसीकरण केंद्रांपासून काहीशी दूर अंतरावर असलेली ठिकाणे निवडून तेथे लसीकरणास प्राधान्य देण्यात आले. यात दुर्गम कॉरी भागातही रूग्णवाहिका नेऊन लसीकरण करण्यात आले. नागरिकांना अगदी घराजवळ कोव्हीडची लस उपलब्ध झाल्याने या उपक्रमाला नागरिकांचा उत्स्फुर्त प्रतिसाद लाभला.

11 ऑक्टोबरला 1335 नागरिकांनी 12 ऑक्टोबरला 1570 नागरिकांनी, 13 ऑक्टोबरला 1834 नागरिकांनी व 14 ऑक्टोबरला 2494 नागरिकांनी अशाप्रकारे 4 दिवसात 7233 नागरिकांनी ’मिशन कवच कुंडल’ मोहिमेअंतर्गत 12 रूग्णवाहिकांव्दारे 192 स्पॉटवर करण्यात आलेल्या ’लसीकरण आपल्या दारी’ उपक्रमाचा लाभ घेत ही मोहीम यशस्वी केली.

क्षेत्रानुसार लसीकरण