Breaking News
नवी मुंबई ः बुधवारी सव्वापाचच्या सुमारास नेरूळ येथे कारने जात असताना बांधकाम व्यावसायिक सावजीभाई पटेल यांच्यावर गोळ्या झाडण्यात आल्या. नवी मुंबई पोलीस अज्ञात मारेकऱ्यांचा शोध घेत आहेत. एका दुचाकीवर आलेल्या दोघा मारेकऱ्यांनी त्यांच्या छातीत आणि पोटात अशा तीन गोळ्या झाडल्या पटेल यांचा गाडीतच मृत्यू झाला.
अनेक वर्षानंतर नवी मुंबई पुन्हा एकदा हत्येने हादरली आहे. गजबजलेल्या शहरात दिवसाढवळ्या हत्या झाल्याने शहरात घबराहट पसरली आहे. सावजीभाई पटेल हे बांधकाम व्यावसायिक आपल्या कारने नेरूळ येथून जात असताना दुचाकीवरून आलेल्या मारेकऱ्यांनी त्यांच्यावर पिस्तूल रोखून या गोळ्या झाडल्या. गोळीबाराचा आवाज झाल्याने स्थानिक भयभीत नागरिकांनी पोलीस नियंत्रण कक्षात याबाबत माहिती दिल्यावर पोलीस घटनास्थळी पोहोचल्यावर सावजी पटेल यांचा मृतदेह गाडीत आढळून आला. पोलिसांना घटनास्थळी तीन रिकामी काडतूस सापडले असून पोलिस मारेकऱ्यांचा शोध घेत आहेत. बांधकाम व्यावसायिकाची हत्या झाल्याने पोलीस देखील सतर्क झाले आहे. व्यावसायिक वादातून ही हत्या झाल्याचा कयास व्यक्त केला जात आहे. मात्र हत्येचे नेमके कारण अद्यापी समोर आले नसल्याची माहिती गुन्हे शाखेचे उपायुक्त अमित काळे यांनी दिली.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai