Breaking News
मुंबई : सर्वोच्च न्यायालयाच्या टिप्पणीनंतर विधानसभा अध्यक्ष राहुल नार्वेकर यांनी आमदार अपात्रता याचिकावरील सुनावणींचा कार्यक्रम निश्चित केला असून त्याबाबत अंतिम सुनावणी 23 नोव्हेंबरनंतर घेण्याचे जाहीर केले आहे. हे सर्व सोपस्कर पार पडायला 2024 उजाडेल म्हणून शिवसेना ठाकरे गट पुन्हा सर्वोच्च न्यायालयाचे दरवाजे ठोठवणार असल्याची माहिती सुत्रांनी दिली आहे.
सर्वोच्च न्यायालयाने केलेल्या टिप्पणीनंतर आणि अपात्र आमदारांच्या सूनावणीबाबत वेळापत्रक 18 ऑक्टोबरपुर्वी सादर करण्याचे आदेश विधानसभा अध्यक्षांना दिले होते. या सुनावणीवेळी आम्हाला आमच्या मर्यादा पाळूदे तुम्ही तुमच्या मर्यादा पाळा असा सूचक इशारा न्यायालयाने दिल्यानंतर अध्यक्ष नार्वेकर यांनी तातडीने सुनावणी घेण्यास सुरुवात (पान 7 वर)
केली आहे. 25 सप्टेंबर रोजी शिंदे गटाच्या 16 आमदारांच्या अपात्रतेच्या याचिकांवर पार पडलेल्या सुनावणीत अध्यक्षांनी न्यायालयाच्या आदेशानुरुप सुनावणीचा कार्यक्रम जाहीर केला आहे. यामध्ये आमदार अपात्रतेच्या संदर्भात 13 ऑक्टोबर ते 23 नोव्हेंबर दरम्यान युक्तिवाद होणार आहे. 23 नोव्हेंबर नंतर दोन आठवड्यात अंतिम सुनावणी होणार आहे. सर्व याचिका एकत्रित करण्यावर 13 ऑक्टोबरला सुनावणी पार पडणार असल्याची माहिती सूत्रांनी दिली. या सुनावणीनंतर प्रत्येकाची सुनावणी वेगळी होणार की एकत्र होणार याबाबतचा निर्णय होणार आहे. अध्यक्ष नार्वेकर यांनी जाहीर केलेल्या सुनावणी कार्यक्रमावरुन सुनावणी पुर्ण होऊन अंतिम निर्णयापर्यंत पोहचायला जून 2024 चा कालावधी उलटेल असे राजकीय जाणकारांचे मत आहे. त्यामुळे ही सुनावणी एकत्र घेऊन तातडीने निर्णय घेण्यासाठी शिवसेना ठाकरे गट पुन्हा सर्वोच्च न्यायालयाचे दरवाजे ठोठवणार असल्याचे सूत्रांकडून कळत आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai