Breaking News
पनवेल : 13 मे रोजी मावळ लोकसभा मतदारसंघात मतदान पार पडले. यादिवशी वादळी वाऱ्यासह अवकाळी पाऊस आल्याने मतदारांची त्रेधातिरपीट उडाली होती. या मतदार संघात 54.87 टक्के मतदान झाले.
मावळ लोकसभा मतदारसंघात पनवेल, कर्जत, उरण, मावळ, चिंचवड, पिंपरी या सहा विधानसभा क्षेत्रांचा समावेश असून 25 लाख 85 हजार 18 मतदार आहेत. यापैकी 14 लाख 18 हजार 439 मतदारांनी मतदान केल्याची नोंद निवडणूक आयोगाकडे झाली. पनवेल विधानसभा क्षेत्रात 50.05 टक्के मतदान झाल्याची नोंद मंगळवारी सकाळी निवडणूक आयोगाने जाहीर केलेल्या सुधारीत प्रसिद्धी पत्रकात केली आहे. सोमवारी रात्री पनवेल विधानसभा क्षेत्रात 49.21 टक्के मतदान झाल्याचे निवडणूक आयोगाने म्हटले होते. मतदान केंद्रावरील विजेच्या खोळंब्यामुळे मतदान केंद्रावरील मतदानाची आकडेवारी उशिरा निवडणूक आयोगाकडे आली. त्यामुळे निवडणूक निर्णय अधिकाऱ्यांनी मंगळवारी सकाळी प्रसिद्ध केलेल्या सुधारीत आकडेवारीनुसार मावळ लोकसभा मतदारसंघात 54.87 टक्के मतदान झाल्याचे जाहीर केले.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai