Breaking News
स्वीय सहायकासाठी शेकापशी घेतले राजकीय वैर
मुंबई : राज्यातील विधानपरिषदेच्या 11 जागांच्या निवडणुकीसाठी शुक्रवारी सकाळी मतदान पार पडले व संध्याकाळी निकाल जाहीर झाला. महायुतीच्या सर्वच 9 उमेदवारांचा विजय झाला आहे तर, महाविकास आघाडीच्या दोन उमेदवारांचा विजय झाला आहे. शरद पवार पुरस्कृत शेतकरी कामगार पक्षाचे जयंत पाटील पराभूत झाल्याने महाविकास आघाडी ठाकरेंच्या स्वीय सहायकांच्या प्रेमापोटी तोंडघशी पडल्याची चर्चा राजकीय वर्तुळात आहे.
विधानपरिषदेच्या 11 जागांसाठी निवडणुक टाळण्यासाठी सर्व पक्षांनी मिळून 11 उमेदवार निवडले होते. त्यात बेरजेचे राजकारण करत शरद पवार यांनी अलिबाग तालुक्यातील भाई म्हणून ओळखल्या जाणाऱ्या शेकापच्या जयंत पाटील यांना पाठिंबा दिला होता. परंतु, उद्धव ठाकरे यांनी आपला स्वीय सहायक मिलिंद नार्वेकर यांस अर्ज भरावयास लावून पवारांच्या मेहनतीवर पाणी फेरले. 12 उमेदवारांपैकी शिवसेना ठाकरे गटाचे उमेदवार मिलिंद नार्वेकर आणि जयंत पाटील यांच्यात नेमका कोण विजयी होणार याची उत्कंठा सर्वांना लागून राहिली होती. अखेर, मिलिंद नार्वेकर यांच्या गळ्यात विजयाची माळ पडली असून शेकापच्या जयंत पाटील यांचा पराभव झाला आहे. जयंत पाटील हे राष्ट्रवादी काँग्रेस शरद पवार पक्षाकडून समर्थन पुरस्कृत उमेदवार होते. या निवडणुकीत काँग्रेसची 5 मतं फुटल्याचं प्रथमदर्शन दिसून येत आहे. तर, मुख्यमंत्री एकनाथ शिंदे, मुख्यमंत्री देवेंद्र फडणवीस आणि अजित पवार यांच्या भाजप महायुतीचा वरचष्मा दिसून आला.
जयंत पाटलांच्या पराभवामुळे महाविकास आघाडीने राज्यातील शेकापसारखा मित्र गमावल्याची चर्चा सध्या राजकीय वर्तुळात असून लोकसभा निवडणुकीत मिळालेल्या अनपेक्षित यशाने ठाकरेंच्या शिडात हवा भरली गेली असल्याचे बोलले जात आहे. उद्धव ठाकरे यांना लोकसभा निवडणुकीत मिळालेले यश हे त्यांच्या कर्तुत्वाने मिळालेले नसून त्यांना सहानुभूतीपोटी मिळाले असल्याचे बोलले जाते. त्यामुळे ठाकरे यांचे वर्तन असेच राहिल्यास आगामी विधानसभेच्या निवडणुकीत ठाकरे सहानुभूती गमावून बसतील आणि महायुती लोकसभा निवडणुकीच्या पराभवाची व्याजासह परतफेड करेल असे राजकीय तज्ज्ञांचे मत आहे.
11 विजयी उमेदवार
भाजप
शिंदे सेना
राष्ट्रवादी काँग्रेस
काँग्रेस
ठाकरे गट
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai