Breaking News
मुंबई ः सणासुदीच्या काळात सोन्याच्या किंमतीत मोठी घट झाली आहे. दिल्लीच्या सराफा बाजारात अलिकडेच 24 कॅरेट सोनं 1130 रुपयांनी स्वस्त झालं आणि प्रति 10 ग्रॅम 45 हजार 207 रुपये झालं. त्या आधीही दिल्लीत सोनं 491 रुपयांनी स्वस्त झालं. अशा प्रकारे, फक्त दोन दिवसांमध्ये सोनं 1,621 रुपयांनी स्वस्त झालं. डॉलरच्या मजबुतीचा फटका सोन्याला बसत आहे.
एचडीएफसी सिक्युरिटीजचे वरिष्ठ कमॉडिटी विश्लेषक तपन पटेल म्हणाले की अमेरिकेतल्या किरकोळ विक्रीच्या मजबूत आकडेवारीमुळे डॉलर वधारण्याचा परिणाम सोन्यावर दिसून येत आहे. यापूर्वी 5 एप्रिल रोजी 24 कॅरेट सोनं 45 हजार 259 रुपये आणि 22 कॅरेट सोनं 41 हजार 457 रुपये होतं. यानंतर 24 ऑगस्ट रोजी सोनं 47 हजार 710 रुपयांवर गेलं. सोनं केवळ दिल्लीत स्वस्त झालं नाही तर देशभरातल्या सराफा बाजारात घसरणीचा कल दिसून येत आहे. इंडिया बुलियन अँड ज्वेलर्स असोसिएशनच्या मते, शुक्रवारी 24 कॅरेट सोन्याची किंमत 46 हजार 310 रुपये होती तर 22 कॅरेट सोन्याची किंमत 42 हजार 420 रुपये होती. गेल्या दोन दिवसात शुद्ध सोन्याची किंमत 945 रुपयांनी आणि दागिन्यांच्या सोन्याची किंमत 866 रुपयांनी कमी झाली आहे.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai