सीकेटीत वाजली शाळेची घंटा

पनवेल : कोविड काळात बंद असलेल्या शाळा सुरु करण्याच्या शासनच्या निर्णयानुसार 2020-21 शैक्षणिक वर्षात पहिल्यांदा सी. के. ठाकूर विद्यालय,इंग्रजी माध्यमात 2 फेब्रुवारी रोजी सकाळी ठीक 8 वाजता घंटा वाजली. शाळेच्या प्रवेश द्वाराजवळ विद्यार्थ्यांचे टेंपरेचर चेक केले गेले. सामाजिक अंतराचे काटेकोर पालन करत दोन वेगवेगळ्या प्रवेशद्वारातून विद्यार्थ्यांना प्रवेश दिला गेला. 

1 फेब्रुवारी रोजी इयत्ता नववी ते दहावीची शाळा सुरू झाली. राष्ट्रगीत आणि प्रार्थनेने दिन क्रमांकाची सुरुवात झाली. एकूण 37.68% विद्यार्थ्यांनी शाळेत हजर होण्यास सकारात्मक प्रतिसाद दिला होता. प्रत्यक्षात 35.47% विद्यार्थी शाळेत हजर होते अनेक महिन्यांनी विद्यालयात प्रवेश केल्यामुळे विद्यार्थ्यांच्या चेहर्‍यावर आनंद व उत्साह दिसत होता. मुख्याध्यापक संतोष चव्हाण व पर्यवेक्षिका नीरजा अधुरी यांचे उत्कृष्ट नियोजन आणि नियमाचे काटेकोर पालन याबद्दल पालक वर्गातून समाधान व्यक्त होत आहे. थोड्याच दिवसात इतर वर्गही सुरू होतील असा विश्वास मुख्याध्यापक संतोष चव्हाण यांनी व्यक्त केला.