1 कोटींचा मुद्देमाल 41 फिर्यादींना परत
- by Aajchi Navi Mumbai
- Aug 31, 2021
- 697
विविध गुन्ह्यांचा छडा ; नवी मुंबई पोलीसांची कामगिरी
पनवेल : परिमंडळ 1 अंतर्गत असलेल्या 10 पोेलीस ठाणे हद्दीत घडलेल्या गुन्ह्यांचा छडा लावून परत मिळवलेला सुमारे 1 कोटींचा मुद्देमाल नवी मुंबई पोलीसांनी 41 फिर्यार्दींना परत केला आहे. यात वाहने, सोने-चांदीचे दागिने, महागड्या मौल्यवान वस्तूंचा समावेश आहे. यावेळी चोरीस गेलेला ऐवज परत मिळालेल्या नागरिकांनी पोलिसांचे कौतुक करुन आभार मानले.
नवी मुंबई पोलीस आयुक्तालयातील परिमंडळ-1 अंतर्गत असलेल्या 10 पोलिस ठाण्यात मागील वर्षात दाखल असलेल्या विविध गुन्ह्यांचा पोलिसांनी उत्कृष्टरित्या तपास करुन चोरीस गेलेला व फसवणुक केलेली मालमत्ता हस्तगत केली आहे. गत वर्षभरामध्ये परिमंडळ-1 मधील विविध पोलीस ठाण्याकडुन सुमारे 1 कोटी रुपये किंमतीचा मुद्देमाल परत मिळविला आहे. हाच मुद्देमाल फिर्यादींना परत करण्यासाठी सोमवारी वाशीतील साहित्य मंदिर सभागृहात विशेष कार्यक्रमाचे आयोजन करण्यात आले होते. यावेळी पोलीस आयुक्त बिपिन कुमार सिंह, अप्पर पोलीस आयुक्त महेश धुर्ये, परिमंडळ-1 चे पोलिस उपायुक्त सुरेश मेंगडे, सहाय्यक पोलिस आयुक्त विनायक वस्त, भरत गाडे तसेच परिमंडळ-1 मधील सर्व पोलिस ठाण्याचे वरिष्ठ पोलिस निरीक्षक व इतर अधिकारी उपस्थित होते.
पोलिस आयुक्त बिपीनकुमार सिंह यांच्या हस्ते 41 फिर्यादिंना त्यांचा मुद्देमाल परत करण्यात आला. या कार्यक्रमात सोने चांदीचे दागिने, रोख रक्कम, मोटार वाहने व इतर वस्तु फिर्यादिंना परत करण्यात आल्या. यामध्ये प्रामुख्याने चेन स्नॅचिंग, घरफोडी, चोरी तसेच फसवणूक या सारख्या गुन्ह्यांचा समावेश आहे. यावेळी फिर्यादींना त्यांच्या मौल्यवान वस्तू परत मिळाल्याने त्यांनी पोलिसांचे आभार मानुन समाधान व्यक्त केले. तसेच हरवलेला मुद्देमाल आता परत मिळाला असून तो सांभाळून ठेवा पुन्हा चोरी होऊ देऊ नका असा सल्लाही पोलीसांनी दिला.
संबंधित पोस्ट
सब्सक्राइब करा न्यूज़लेटर
SUBSCRIBE US TO GET NEWS IN MAILBOX
लाइव क्रिकेट स्कोर
शेअर मार्केट
Ticker Tape by TradingView
Stock Market by TradingView
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai