भरदिवसा ज्वेलर्स वर दरोडा

भरदिवसा ज्वेलर्स वर दरोडा

by Aajchi Navi Mumbai
Dec 27, 2025
57

नवी मुंबई ः सेक्टर 42 सीवुड्स या ठिकाणी असणाऱ्या संगम गोल्ड या ज्वेलर्स वर दरोडा पडला आहे. तीन बंदूकधारी व्यक्तींनी दुकानात शिरून बंदुकीचा धाक दाखवत सोन्याचे दागिने चोरी केले आहेत. यात नक्की किती चोरी झाली याची पाहणी अद्याप केली नसली तरी लाखो रुपयांचे दागिने चोरी झाले आहेत. असा अंदाज व्यक्त केला जात आहे.

आज सकाळी पावणे आकाराच्या सुमारास एन आर आय पोलीस ठाणे हद्दीत सेक्टर 42 सी वुड्स या ठिकाणी असणाऱ्या गायमुख चौक या कायम गजबजलेल्या भागात चोरी झाली आहे. चाकात असणाऱ्या संगम गोल्ड नावाचे दुकानातं तीन बुरखाधारी व्यक्ती आल्या त्यांनी बंदुकीचा धाक दाखवत लाचखोर उपायांचे दागिने पळवले. दागिने नेमके किती चोरी झाले याबाबत अद्याप माहिती समोर आली नाही.

हि घटना घडली तेव्हा दुकान मालक यांनी नुकतेच दुकान उघडल्याने ग्राहक कोणी नव्हते. दुकानात एकटेच दुकान मालक होते. त्यांनी दुकानाची नियमित साफ साफाई करून देवाला दिवा बत्ती करीत दागिने तिजोरीतून काढून दर्शनी भागात (शो केस मध्ये) जवळपास लावले होते. तेवढ्यात दुकानात तीन बुरखाधारी व्यक्ती आल्या त्यांच्या पैकी एकाने दुकान मालकावर बंदूक रोखून धरली, तर अन्य दोघांनी दिसतील ते दागिने पटापट जवळच्या पिशवीत भरले आणि पळून गेले. हि घटना केवळ 10 ते 12 मिनिटात घडली. काही प्रत्यक्ष दर्शींनी दिलेल्या माहिती नुसार दुकानात चार जण जरी घुसले असले तरी बाहेर दोन संशयित उभे होते. घटनेची माहिती मिळताच सहाय्यक पोलीस आयुक्त मयूर भुजबळ सह सर्व वरिष्ठ अधिकारी घटनास्थळी आले. पंचनामा वगैरे सुरु केला. दरम्यान गुन्हे शाखेचे पथक श्वान पथकांसह आले. मात्र श्वान काही अंतरावर जाऊन घुटमळले आहे. या घटनेची नोंद घेण्यात आली असून चोरट्यांच्या शोधासाठी एनआरआय पोलिसांची चार आणि गुन्हे शाखेची चार पथके तपास कामात लागले आहेत. लवकरच चोरटे गजाआड असतील अशी माहिती सहाय्यक पोलीस आयुक्त मयूर भुजबळ यांनी दिली.