Breaking News
नवी मुंबई ः संपुर्ण एमएमआर क्षेत्राला कृषि माल व अन्नधान्य पुरवठा करणारी एपीएमसी मार्केट ही मोठी आशियातील सर्वात बाजारपेठ असून नवी मुंबई शहरातील कोव्हीड प्रसाराच्या दृष्टीने नेहमीच जोखमीचे क्षेत्र ठरली आहे. येथे कोरोनाचा प्रसार रोखण्यासाठी अधिक प्रभावीपणे आवश्यक उपाययोजना करण्याचे निर्देश दिले. तसेच आठवडयातून एक दिवस पूर्वसूचना न देता कारवाईचा मेगा ड्राईव्ह घेण्याची सूचना आयुक्तांनी केली.
एपीएमसी मार्केटमध्ये पालिकेमार्फत कोव्हीड नियमांचे पालनाकडे लक्ष ठेवण्यासाठी विशेष दक्षता पथके कार्यरत असून नियमांचे उल्लंघन करणार्यावर दंडात्मक कारवाई केली जात आहे. कोव्हीडचा वाढता प्रसार व ओमायक्रॉनचा धोका लक्षात घेता कोरोना प्रसाराचा हॉटस्पॉट मानल्या जाणार्या एपीएमसी प्रशासनाने आपल्या आवारात कोव्हीड नियमांचे काटेकोर पालन होण्याबाबत दक्ष व्हावे या अनुषंगाने महापालिका आयुक्त अभिजीत बांगर यांनी एपीएमसीचे सह सचिव प्रकाश अष्टेकर व उप अभियंता मेहबूब बेपारी यांच्याशी प्रत्यक्ष चर्चा करत कोरोनाचा प्रसार रोखण्यासाठी अधिक प्रभावीपणे आवश्यक उपाययोजना करण्याचे निर्देश दिले. पालिकेने एपीएमसीच्या पाचही मार्केटमध्ये दिवस-रात्र कोव्हीड टेस्टींग केंद्रे सुरुवातीपासूनच कार्यरत ठेवली असून जास्तीत जास्त टेस्टींग करून कोरोनाच्या विषाणूला आहे तिथेच रोखण्यासाठी प्रयत्न केले जात आहेत. एपीएमसी प्रशासनानेही तेथे येणार्या प्रत्येकाचे टेस्टींग होईल याकडे बारकाईने लक्ष देण्याचे आयुक्तांनी सूचित केले. त्याचप्रमाणे मास्क वापरणे, सुरक्षित अंतर राखणे अशा महत्वाच्या सूचना दर अर्ध्या तासांनी सर्व मार्केट्समध्ये माइकींगव्दारे करणे गरजेचे असल्याचे त्यांनी स्पष्ट केले. त्याचप्रमाणे मास्क व इतर कोव्हीड नियमांचे उल्लंघन करणार्यांवर दररोज अधिक प्रभावीपणे दंडात्मक कारवाया करण्याचेही निर्देशित केले. याशिवाय कारवाईचा प्रभाव जाणवण्यासाठी आठवडयातून एक दिवस पूर्वसूचना न देता कारवाईचा मेगा ड्राईव्ह घेण्याची सूचना आयुक्तांनी केली.
एपीएमसी मार्केट मध्ये राज्यातील विविध जिल्हयातूनच नव्हे तर विविध राज्यातून शेतकरी, व्यापारी आपला माल घेऊन येतात. त्यामुळे व्यापार्यांप्रमाणेच इतर ठिकाणाहून आलेल्या गाडयांचे चालक, क्लिनर, मालवाहू कामगार यांचा मोठया प्रमाणावर राबता याठिकाणी असतो. या सर्वांची टेस्टींग केली जात असून त्यामध्ये पॉझिटिव्ह येणार्या व्यक्तींना एपीएमसी मार्केट क्षेत्रात असलेल्या महानगरपालिकेच्या कोव्हीड सेंटर मध्ये उपचारार्थ दाखल करून घेण्यात येते. त्यामुळे प्रत्येकाची टेस्टींग केली जात आहे याकडे एमपीएमसी प्रशासनाने लक्ष दयावे व टेस्टींगच्या ठिकाणी गर्दी होत असल्याचे निदर्शनास आल्यास महानगरपालिकेच्या निदर्शनास आणून दयावे. त्याची त्वरीत दखल घेत टेस्टींग करणारे समुह वाढविण्यात येतील असे आयुक्तांनी सूचित केले.
रिपोर्टर
The Reporter specializes in covering a news beat, produces daily news for Aajchi Navi Mumbai News
Aajchi Navi Mumbai