ऐरोलीत 19 अनधिकृत बांधकामांवर कारवाई

ऐरोलीत 19 अनधिकृत बांधकामांवर कारवाई

by Aajchi Navi Mumbai
Aug 01, 2026
18

नवी मुंबई ः महापालिका कार्यक्षेत्रातील जी विभाग ऐरोली कार्यालय क्षेत्रांतर्गत मंगळवारी 13 अनधिकृत बांधकामांवर निष्कासनाची धडक कारवाई करण्यात आली. ॲड. किशोर शेट्टी यांनी कोर्टात दाखल केलेल्या पीआयएल अवमान याचिका सीपी/685/2025 मध्ये अनधिकृत विनापरवानगी इमारतींची छायाचित्रे सादर केलेली आहेत. या छायाचित्रांमध्ये नमूद अनधिकृत इमारतींना जी ऐरोली विभाग कार्यालयामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वये नोटीसा बजाविण्यात आल्या होत्या. त्यास अनुसरून संबधितांनी केलेले अनधिकृत बांधकाम स्वतःहून हटविणे आवश्यक होते. परंतू त्यांनी अनधिकृत बांधकाम सुरु ठेवले होते. त्या अनुषंगाने ही तोडक कारवाई करण्यात आली.

ही 13 अनधिकृत बांधकामे येथे अनधिकृतपणे बांधकाम सुरू केले होते. सुरुवात केली होती. संबंधितांना कलम 54 अन्वये बजाविण्यात आलेल्या नोटिशीस अनुसरून त्यांनी अनधिकृत बांधकाम स्वत:हून हटविणे गरजेचे होते मात्र तसे न केल्याने तोडक मोहिमेचे आयोजन करुन सदर अनधिकृत बांधकामे अंशतः निष्कासित करण्यात आली. या धडक मोहिमेसाठी आठही विभागांचे विभाग अधिकारी तथा आयुक्त उपस्थित होते. बुधवारी पुन्हा 6 अनधिकृत बांधकामांवर तोडक कारवाई करण्यात आली. अनधिकृत इमारतींना व त्याव्यतिरिक्त इतर अनधिकृत बांधकाम सुरु असलेल्या इमारतींना जी ऐरोली विभाग कार्यालयामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वये नोटीसा बजाविण्यात आलेल्या होत्या. संबधितांनी केलेले अनधिकृत बांधकाम स्वतःहून हटविणे आवश्यक होते. परंतू त्यांनी अनधिकृत बांधकाम सुरु ठेवले होते. त्या अनुषंगाने सदर अनधिकृत बांधकामे अंशतः निष्कासित करण्यात आली.